1 мамыр халықтар достығы күні

1.05.2019. Наурызбай ауданында "Халықтар достығы" мерекесі іс-шарасы өтілді. Мерекеде Наурызбай ауданындағы білім беру мекемелері- №172 және №45 балабақша ұжымы өз ұлтымыз – қазақ халқының киелі шаңырағы - киіз үй құрып, ұлттық бұйымдар мен тағамдарынан көрме ұйымдастырды. Ұмытылып бара жатқан салт-дәстүрімізді еске түсіру мақсатында «Көтендестіру» рәсімі көрсетілді. Қазақтың кейбір дәстүрлерінің атауы ерсі болғанмен, түсіне білген адамға берер тәлім-тәрбиесі мол. Салт бойынша қатар босанған абысындар балалары қырқынан шыққанша, бір-бірімен араласуға, көрісуге болмайды. Осылайша жұқпалы аурулардың алдын алған екен. Сондықтан 40 күннен кейін екі келінді үлкен абысыны не болмаса енесі бір-бірімен арқасын тірей отырғызады. Енесінің белгісімен келіндер орамалға түйілген тәттілерді арқа тіресіп отырып, оң қолдарымен бір-біріне берген. Осылайша еркін араласатын болған. Мерекелік бағдарламада №172 балабақша қызметкерлері дует «Aiqul and Aiqul» «Елге сәлем» әнін шырқаса, қыздар тобы «Степ-аэробика» биін тарту етті. Әділ қазылардың бағалауымен екі балабақша ұжымы «Бас жүлдені» иеленді.